«Liverpul» sobiq himoyachisi Jeymi Karrager «Chelsi» va «Manchester Yunayted» vingerlarining o‘yini borasidagi fikrlari bilan o‘rtoqlashdi.

«Maunt har doim ham jamoaga yordam berish imkoniyatiga ega bo‘lavermaydi, ammo u maydonga tushganida raqiblar uchun jiddiy xavf tug‘diradi. Garnacho esa doimo maydonda, biroq masala shundaki, u aynan kim uchun xavfli?», — deya qayd etdi Karrager.

Ekspert Mauntning tajribasi va samaradorligi uni maydonda ko‘proq ajratib turishiga, Garnacho esa o‘yinning muhim pallarida o‘z salohiyatini to‘liq namoyon etishi uchun hali rivojlanishi kerakligiga sha’ma qildi.

Ushbu mavsumda Garnacho «Chelsi» safida barcha turnirlarda 34 ta o‘yin o‘tkazib, 7 ta gol urdi va 5 ta golli uzatmani amalga oshirdi. O‘z navbatida, Maunt «qizil iblislar» libosida 18 ta uchrashuvda maydonga tushdi va yettinchi raqam egasi sifatida 3 ta gol muallifiga aylandi.