«Bavariya» darvozaboni Sven Ulrayx Bundesliganing 26-turidan o‘rin olgan «Bayer»ga qarshi o‘yinda (1:1) o‘ng oyoq son mushagini yirtib oldi va noma’lum muddatga safdan chiqdi.

37 yoshli futbolchi 539 kun ichida o‘zining ilk rasmiy uchrashuvini o‘tkazayotgan edi. Ma’lumotlarga ko‘ra, u kamida olti haftani o‘tkazib yuborishi mumkin, bu esa Myunxen klubidagi darvozabonlar bilan bog‘liq vaziyatni yanada qiyinlashtiradi.

Sven Ulrayx 2015/16 yilgi mavsumdan buyon myunxenliklar sharafini himoya qilib kelmoqda.