«Manchester Yunayted»ning sobiq futbolchisi Pol Skoulz Kazemiro bilan shartnomani uzaytirish g‘oyasini qo‘llab-quvvatlamoqda.
Yil boshida 34 yoshli yarim himoyachi mavsum yakunlanganidan so‘ng klubni erkin agent sifatida tark etishini e’lon qilgan edi. Biroq so‘nggi vaqtlarda uning ko‘rsatayotgan o‘yin darajasini hisobga olib, futbolchini olib qolish zarurligi haqidagi gap-so‘zlar tobora ko‘paymoqda.
«Bu klub uchun muhim qaror va u shubhasiz moliyaviy holatga bog‘liq. O‘ylaymanki, agar «MYU» haqiqatan ham aniq taklif bilan chiqsa, Kazemiro maoshi kamaytirilgan holda shartnomani uzaytirishdan mamnun bo‘lgan bo‘lardi», — dedi Skoulz.
Yakshanba kuni Kazemiro gol urib, Maykl Kerrik jamoasiga «Aston Villa»ni mag‘lub etishda (3:1) yordam berdi.
