«Манчестер Юнайтед»нинг собиқ футболчиси Пол Скоулз Каземиро билан шартномани узайтириш ғоясини қўллаб-қувватламоқда.
Йил бошида 34 ёшли ярим ҳимоячи мавсум якунланганидан сўнг клубни эркин агент сифатида тарк этишини эълон қилган эди. Бироқ сўнгги вақтларда унинг кўрсатаётган ўйин даражасини ҳисобга олиб, футболчини олиб қолиш зарурлиги ҳақидаги гап-сўзлар тобора кўпаймоқда.
«Бу клуб учун муҳим қарор ва у шубҳасиз молиявий ҳолатга боғлиқ. Ўйлайманки, агар «МЮ» ҳақиқатан ҳам аниқ таклиф билан чиқса, Каземиро маоши камайтирилган ҳолда шартномани узайтиришдан мамнун бўлган бўларди», — деди Скоулз.
Якшанба куни Каземиро гол уриб, Майкл Кэррик жамоасига «Астон Вилла»ни мағлуб этишда (3:1) ёрдам берди.
