«Milan» sport direktori Igli Tare Luka Modrichning shartnomasi bilan bog‘liq vaziyatga izoh berdi.

40 yoshli futbolchining amaldagi kelishuvi joriy mavsum yakunida nihoyasiga yetadi, biroq xorvatiyalik futbolchining xohishiga ko‘ra, shartnoma avtomatik tarzda yana bir yilga uzaytirilishi mumkin.

«Biz Modrichni yaxshi ko‘ramiz, Modrich esa «Milan»ni yaxshi ko‘radi. Biz uni jamoada olib qolishga va shartnomani yana bir yilga uzaytirishga tayyormiz. Biz uchun bu oddiy qaror, ammo hammasi uning istagiga bog‘liq», — dedi Tare.

Luka Modrich o‘tgan yilning yozida Madridning «Real» klubidan erkin agent sifatida «rossonerilar» safiga kelib qo‘shilgan edi. Italiyaga ko‘chib o‘tgunga qadar yarim himoyachi 13 yil davomida «qaymoqranglilar» sharafini himoya qilgan.