"Manchester Siti" bosh murabbiyi Xosep Gvardiola Chempionlar ligasi 1/8 finalidan o‘rin olgan "Real"ga qarshi javob o‘yini haqida gapirdi. Dastlabki bahsda "shaharliklar" Madridda 0:3 hisobida mag‘lub bo‘lishgan edi.
"Mening "Real"ga qarshi o‘yin uchun shunchaki harakat qilishdan boshqa aniq rejam yo‘q. O‘yinda har narsa sodir bo‘lishi mumkin. Biz qilishimiz kerak bo‘lgan birinchi ish — g‘alaba qozonishga intilish. Agar 10 yillik faoliyatimdan keyin ham futbolchilarga ishonch nima ekanligini tushuntirishim kerak bo‘lsa, demak bizda muammo bor. Ishonchim komilki, biz harakat qilib ko‘ramiz. Oldimizda ajoyib imkoniyat turibdi.
Ikkinchi o‘yinda "Real"ni hayron qoldirmoqchi emasman. Qancha vaziyat yaratishimiz meni u qadar xavotirga solmaydi — o‘z uyimizda buni uddalay olishimizga ishonaman. Eng muhimi — qanchalik yaxshi himoyalanishimiz. Vazifa ancha jiddiy — "Real"ga 3 tadan ko‘p gol urish oson ish emas", — dedi Gvardiola matbuot anjumanida.
"Manchester Siti" va "Real" o‘rtasidagi bahs 17 mart kuni Toshkent vaqti bilan soat 01:00 da (18 martga o‘tar kechasi) boshlanadi.
