"Манчестер Сити" бош мураббийи Хосеп Гвардиола Чемпионлар лигаси 1/8 финалидан ўрин олган "Реал"га қарши жавоб ўйини ҳақида гапирди. Дастлабки баҳсда "шаҳарликлар" Мадридда 0:3 ҳисобида мағлуб бўлишган эди.

"Менинг "Реал"га қарши ўйин учун шунчаки ҳаракат қилишдан бошқа аниқ режам йўқ. Ўйинда ҳар нарса содир бўлиши мумкин. Биз қилишимиз керак бўлган биринчи иш — ғалаба қозонишга интилиш. Агар 10 йиллик фаолиятимдан кейин ҳам футболчиларга ишонч нима эканлигини тушунтиришим керак бўлса, демак бизда муаммо бор. Ишончим комилки, биз ҳаракат қилиб кўрамиз. Олдимизда ажойиб имконият турибди.

Иккинчи ўйинда "Реал"ни ҳайрон қолдирмоқчи эмасман. Қанча вазият яратишимиз мени у қадар хавотирга солмайди — ўз уйимизда буни уддалай олишимизга ишонаман. Энг муҳими — қанчалик яхши ҳимояланишимиз. Вазифа анча жиддий — "Реал"га 3 тадан кўп гол уриш осон иш эмас", — деди Гвардиола матбуот анжуманида.

"Манчестер Сити" ва "Реал" ўртасидаги баҳс 17 март куни Тошкент вақти билан соат 01:00 да (18 мартга ўтар кечаси) бошланади.