"Manchester Siti" bosh murabbiyi Xosep Gvardiola Chempionlar ligasi 1/8 finali doirasidagi "Real"ga qarshi javob o‘yini oldidan o‘z fikrlari bilan o‘rtoqlashdi. Madriddagi 0:3 hisobidagi mag‘lubiyatdan so‘ng "shaharliklar" vaziyatni o‘nglashlari kerak.
Matbuot anjumanida Gvardiolaga bundan uch yil avval "Manchester Siti" "Real"ni 4:0 hisobida mag‘lub etganini eslatib o‘tishdi.
"Menga: «Yigitlar, dastlabki 20 daqiqada uchta gol urishimiz kerak», deyish juda oson. Ha, bu ajoyib eshitiladi. Ammo reallik butunlay boshqacha. Biz o‘z yondashuvimizda, ishlayotgan barcha jihatlarimizda barqaror bo‘lishimiz kerak. Ertaga oxirigacha nima qilishimiz kerakligi haqida gaplashib olaman. Agar o‘xshamasa, demak, birinchi o‘yindagi natija eng yaxshisi bo‘lmagan.
Raqib haqiqatan ham kuchli. Biz buni tan olishimiz kerak. Albatta, vaziyatni o‘zgartirish uchun ko‘proq tavakkal qilishga majburmiz. Hatto birinchi bo‘limdagi natija unchalik yaxshi bo‘lmasa ham, biz shu ruhda davom etishimiz kerak. Nima sodir bo‘lishini hech qachon oldindan bilib bo‘lmaydi", — dedi Gvardiola jurnalistlarga.
