"Manchester Siti" yarim himoyachisi Bernardu Silva "Real"ga qarshi kechgan va 0:3 hisobidagi mag‘lubiyat bilan yakunlangan dastlabki o‘yin haqida gapirdi. O‘sha bahsda "shaharliklar"ning barcha gollari birinchi bo‘limda o‘tkazib yuborilgan edi.
"Real" bilan bo‘lgan birinchi o‘yinni qayta ko‘rib chiqqanimda, birinchi bo‘limni nega 0:3 hisobida boy berganimizga biror sabab ko‘rmadim. Mening fikrimcha, natija o‘yinning o‘ziga qaraganda ancha yomonroq bo‘ldi.
Ushbu sport turi bizga ko‘p narsa sodir bo‘lishi mumkinligini o‘rgatgan. Madriddagi natija juda yomon edi, lekin biz oxirigacha kurashamiz. Raqib juda kuchli, ammo o‘z uyimizda ko‘p narsani o‘zgartirishimiz mumkin. Buning uchun kerakli muhitni yaratishga harakat qilamiz", — dedi Silva jurnalistlarga.
"Manchester Siti" va "Real" o‘rtasidagi javob uchrashuvi 17 mart, seshanba kuni bo‘lib o‘tadi.
