"Манчестер Сити" ярим ҳимоячиси Бернарду Силва "Реал"га қарши кечган ва 0:3 ҳисобидаги мағлубият билан якунланган дастлабки ўйин ҳақида гапирди. Ўша баҳсда "шаҳарликлар"нинг барча голлари биринчи бўлимда ўтказиб юборилган эди.
"Реал" билан бўлган биринчи ўйинни қайта кўриб чиққанимда, биринчи бўлимни нега 0:3 ҳисобида бой берганимизга бирор сабаб кўрмадим. Менинг фикримча, натижа ўйиннинг ўзига қараганда анча ёмонроқ бўлди.
Ушбу спорт тури бизга кўп нарса содир бўлиши мумкинлигини ўргатган. Мадриддаги натижа жуда ёмон эди, лекин биз охиригача курашамиз. Рақиб жуда кучли, аммо ўз уйимизда кўп нарсани ўзгартиришимиз мумкин. Бунинг учун керакли муҳитни яратишга ҳаракат қиламиз", — деди Силва журналистларга.
"Манчестер Сити" ва "Реал" ўртасидаги жавоб учрашуви 17 март, сешанба куни бўлиб ўтади.
