The Athletic nashrining xabar berishicha, «Real Madrid» Arda Gyulerdan katta umidlar kutmoqda va klub uni yaqin kelajakda jamoaning eng ta’sirli futbolchilaridan biriga aylanishini bashorat qilmoqda.

Manbaning qo‘shimcha qilishicha, «Real Madrid» rahbariyati o‘z umidlarini Gyulerga allaqachon yetkazgan, ayniqsa, Xabi Alonso iste’foga chiqarilganidan keyin bu ishonch yanada ortgan.

Gyuler yakshanba kuni «Elche»ga qarshi kechgan va 4:1 hisobidagi g‘alaba bilan yakunlangan o‘yinda uzoq masofadan gol urib, o‘zining o‘yin tashkil etish qobiliyatini yana bir bor isbotladi.

Arda «Manchester Siti»ga qarshi Chempionlar Ligasining muhim bahsida asosiy tarkibda maydonga tushadimi, degan savolga bosh murabbiy Alvaro Arbeloa shunday javob berdi: «Uning «Elche» darvozasiga urgan goli hayratlanarli edi. Ajoyib gol. Va Xoland bilan bo‘lgan o‘sha to‘qnashuv...

Biz norvegiyalik hujumchini yaxshi qo‘riqlashimiz kerak va ixtiyorimizda qancha ko‘p futbolchi bo‘lsa, shuncha yaxshi. Menimcha, Arda yaxshi o‘yin ko‘rsatdi. Ko‘ramiz, ertaga buni takrorlay olarmikanmiz», — deya qo‘shimcha qildi Arbeloa.