The Athletic нашрининг хабар беришича, «Реал Мадрид» Арда Гюлердан катта умидлар кутмоқда ва клуб уни яқин келажакда жамоанинг энг таъсирли футболчиларидан бирига айланишини башорат қилмоқда.
Манбанинг қўшимча қилишича, «Реал Мадрид» раҳбарияти ўз умидларини Гюлерга аллақачон етказган, айниқса, Хаби Алонсо истеъфога чиқарилганидан кейин бу ишонч янада ортган.
Гюлер якшанба куни «Эльче»га қарши кечган ва 4:1 ҳисобидаги ғалаба билан якунланган ўйинда узоқ масофадан гол уриб, ўзининг ўйин ташкил этиш қобилиятини яна бир бор исботлади.
Арда «Манчестер Сити»га қарши Чемпионлар Лигасининг муҳим баҳсида асосий таркибда майдонга тушадими, деган саволга бош мураббий Альваро Арбелоа шундай жавоб берди: «Унинг «Эльче» дарвозасига урган голи ҳайратланарли эди. Ажойиб гол. Ва Холанд билан бўлган ўша тўқнашув...
Биз норвегиялик ҳужумчини яхши қўриқлашимиз керак ва ихтиёримизда қанча кўп футболчи бўлса, шунча яхши. Менимча, Арда яхши ўйин кўрсатди. Кўрамиз, эртага буни такрорлай олармиканмиз», — дея қўшимча қилди Арбелоа.
