«Manchester Siti» yarim himoyachisi Bernardu Silva Chempionlar Ligasi 1/8 finalining javob uchrashuvida «Real»dan uchta to‘p farqini qaytarib olish qiyin bo‘lishini, biroq buning iloji borligini ta’kidladi.

Bundan oldin futbolchi birinchi o‘yinni qayta ko‘rib chiqqanini va «shaharliklar» qanday qilib bir bo‘lim ichida uchta gol o‘tkazib yuborganini baribir tushuna olmaganini tan olgan edi.

«Garchi bu hafta biz uchun juda og‘ir kechgan bo‘lsa-da, biz nimalarga qodir ekanligimizni bilamiz. Futbolda ko‘p narsa sodir bo‘lishi mumkin. Madriddagi natija juda yomon bo‘lganiga qaramay, biz oxirigacha kurashamiz», — deya futbolchining so‘zlarini keltirmoqda UEFA matbuot xizmati.