«Манчестер Сити» ярим ҳимоячиси Бернарду Силва Чемпионлар Лигаси 1/8 финалининг жавоб учрашувида «Реал»дан учта тўп фарқини қайтариб олиш қийин бўлишини, бироқ бунинг иложи борлигини таъкидлади.
Бундан олдин футболчи биринчи ўйинни қайта кўриб чиққанини ва «шаҳарликлар» қандай қилиб бир бўлим ичида учта гол ўтказиб юборганини барибир тушуна олмаганини тан олган эди.
«Гарчи бу ҳафта биз учун жуда оғир кечган бўлса-да, биз нималарга қодир эканлигимизни биламиз. Футболда кўп нарса содир бўлиши мумкин. Мадриддаги натижа жуда ёмон бўлганига қарамай, биз охиригача курашамиз», — дея футболчининг сўзларини келтирмоқда UEFA матбуот хизмати.
