«Manchester Siti» Chempionlar Ligasi 1/8 finali doirasida Madridning «Real» klubiga qarshi kechadigan javob uchrashuvida, birinchi navbatda, shunchaki g‘alaba qozonishga harakat qiladi.

«Shaharliklar» bosh murabbiyi Xosep Gvardiola o‘z muxlislari qarshisida shunchaki g‘alabaga erishish lozimligini, yakuniy natija qanday bo‘lishini esa o‘yin ko‘rsatishini ta’kidladi.

«Bu futbol va unda har qanday voqea sodir bo‘lishi mumkin. Biz diqqat-e’tiborni saqlab qolishimiz va avvaliga shunchaki o‘yinda g‘alaba qozonishga harakat qilishimiz kerak, keyin esa vaziyatga qarab ish tutamiz», — deya ispaniyalik mutaxassisning so‘zlarini keltirmoqda UEFA matbuot xizmati.