«Манчестер Сити» Чемпионлар Лигаси 1/8 финали доирасида Мадриднинг «Реал» клубига қарши кечадиган жавоб учрашувида, биринчи навбатда, шунчаки ғалаба қозонишга ҳаракат қилади.
«Шаҳарликлар» бош мураббийи Хосеп Гвардиола ўз мухлислари қаршисида шунчаки ғалабага эришиш лозимлигини, якуний натижа қандай бўлишини эса ўйин кўрсатишини таъкидлади.
«Бу футбол ва унда ҳар қандай воқеа содир бўлиши мумкин. Биз диққат-эътиборни сақлаб қолишимиз ва аввалига шунчаки ўйинда ғалаба қозонишга ҳаракат қилишимиз керак, кейин эса вазиятга қараб иш тутамиз», — дея испаниялик мутахассиснинг сўзларини келтирмоқда UEFA матбуот хизмати.
