Italiyaning «Roma» klubi kelasi yozda «Everton» himoyachisi Vitaliy Mikolenkoni o‘z safiga qo‘shib olish imkoniyatlarini ko‘rib chiqmoqda. Bu haqda Sport Witness nashri xabar tarqatdi.
Rimliklar moliyaviy cheklovlar va ayrim futbolchilarning ehtimoliy ketishi sababli tarkibni qayta qurishni rejalashtirmoqda. Bu vaziyat «Roma» rahbariyatini arzonroq yoki erkin agent maqomidagi variantlarni ko‘rib chiqishga majbur qilmoqda va Mikolenko nomzodlar ro‘yxatiga kiritilgan. «Bo‘rilar» qarorgohida u darhol asosiy tarkib futbolchisiga aylana olishiga ishonishmoqda.
Shu bilan birga ta’kidlash joizki, Mikolenkoning o‘zi jamoasini o‘zgartirishni istamayapti va «Everton»dagi holatidan mamnun. Klub uning shartnomasini 2027 yilgacha uzaytirishi ham mumkin.
Qiziq jihati shundaki, «Roma» va «Everton»ning egasi bir xil (Fridkinlar oilasi), shu bois nazariy jihatdan klublar o‘rtasidagi kelishuv amalga oshishi ehtimoli bor. Ayni damda «Roma» shunchaki vaziyatni kuzatmoqda va mavjud variantlarni baholamoqda.
