«Real» hujumchisi Vinisius Junior Chempionlar ligasi 1/8 finali doirasida «Manchester Siti»ga qarshi kechgan javob uchrashuvining (2:1) eng yaxshi futbolchisi deb topildi.
«U himoyachilarga doimiy ravishda xavfli yurishlar uyushtirib, «Siti» darvozasiga xavf solib turdi va jamoasining bir nechta muhim vaziyatlarida, jumladan, penalti ishlanishida hamda qo‘shib berilgan vaqtdagi chiroyli golda bevosita ishtirok etdi», — deya ta’kidladi UYEFA texnik kuzatuvchilar guruhi.
Dastlabki o‘yinda 3:0 hisobida g‘alaba qozongan «Real» Chempionlar ligasining chorak finaliga yo‘l oldi. U yerda madridliklar «Atalanta» — «Bavariya» juftligi g‘olibi bilan to‘qnash kelishadi (birinchi o‘yin — 1:6).
