«Реал» ҳужумчиси Винисиус Жуниор Чемпионлар лигаси 1/8 финали доирасида «Манчестер Сити»га қарши кечган жавоб учрашувининг (2:1) энг яхши футболчиси деб топилди.
«У ҳимоячиларга доимий равишда хавфли юришлар уюштириб, «Сити» дарвозасига хавф солиб турди ва жамоасининг бир нечта муҳим вазиятларида, жумладан, пенальти ишланишида ҳамда қўшиб берилган вақтдаги чиройли голда бевосита иштирок этди», — дея таъкидлади УЕФА техник кузатувчилар гуруҳи.
Дастлабки ўйинда 3:0 ҳисобида ғалаба қозонган «Реал» Чемпионлар лигасининг чорак финалига йўл олди. У ерда мадридликлар «Аталанта» — «Бавария» жуфтлиги ғолиби билан тўқнаш келишади (биринчи ўйин — 1:6).
