«Barselona»ning yosh vingeri Lamin Yamal 18 yoshidayoq Chempionlar ligasida «ko‘k-anorranglilar»ning asosiy tarkibida Xosep Gvardiolaga qaraganda ko‘proq o‘yin o‘tkazishga ulgurdi. Opta Sports bergan ma’lumotlarga ko‘ra, endi Yamal hisobida YECHL doirasida «Barsa»ning asosiy tarkibida boshlagan 28 ta o‘yin mavjud, Gvardiolada esa bu ko‘rsatkich 27 tani tashkil etgan edi.
Eslatib o‘tamiz, Yamal Chempionlar ligasi 1/8 finalidan o‘rin olgan «Nyukasl»ga qarshi javob o‘yinini asosiy tarkibda boshlaydi. Uchrashuv Kataloniya poytaxtida bo‘lib o‘tadi va chorshanba kungi YECHL o‘yinlarini ochib beradi. Bir hafta oldin Nyukasl-apon-Tayn shahrida o‘tgan dastlabki bahsda jamoalar 1:1 hisobidagi durangga imzo chekishgan edi.
