«Tottenxem» yarim himoyachisi Xavi Simons Chempionlar ligasi 1/8 finali doirasida «Atletiko»ga qarshi kechgan javob o‘yinining (3:2) eng yaxshi futbolchisi deb topildi. Niderlandiyalik futbolchi ushbu bahsda ikkita gol muallifiga aylandi.
«Xavi Simons gollar urdi va to‘pni nazorat qilib, yuqori sifat, tezlik, ajoyib ishtiyoq hamda mahoratli o‘yin namoyish etdi. U ikkita gol urdi, beshta golli vaziyat yaratdi va himoyalanishda ham faol qatnashib, beshta samarali uzatmani amalga oshirdi hamda to‘qqizta yakkakurashning oltitasida g‘olib chiqdi», — deya ta’kidladi UEFA texnik kuzatuvchilari guruhi.
Dastlabki bahsda «Atletiko» 5:2 hisobida g‘alaba qozongan edi. Shu sababli, ikki o‘yin natijasiga ko‘ra Madrid klubi chorak finalga yo‘l oldi va u yerda «Barselona» bilan kuch sinashadi.
