«Тоттенхэм» ярим ҳимоячиси Хави Симонс Чемпионлар лигаси 1/8 финали доирасида «Атлетико»га қарши кечган жавоб ўйинининг (3:2) энг яхши футболчиси деб топилди. Нидерландиялик футболчи ушбу баҳсда иккита гол муаллифига айланди.
«Хави Симонс голлар урди ва тўпни назорат қилиб, юқори сифат, тезлик, ажойиб иштиёқ ҳамда маҳоратли ўйин намойиш этди. У иккита гол урди, бешта голли вазият яратди ва ҳимояланишда ҳам фаол қатнашиб, бешта самарали узатмани амалга оширди ҳамда тўққизта яккакурашнинг олтитасида ғолиб чиқди», — дея таъкидлади УЕФА техник кузатувчилари гуруҳи.
Дастлабки баҳсда «Атлетико» 5:2 ҳисобида ғалаба қозонган эди. Шу сабабли, икки ўйин натижасига кўра Мадрид клуби чорак финалга йўл олди ва у ерда «Барселона» билан куч синашади.
