«Nyukasl» yarim himoyachisi Bruno Gimaraes yozgi transfer oynasida «Manchester Yunayted»ga ko‘chib o‘tishi mumkin.

«Qizil iblislar» 28 yoshli futbolchi bo‘yicha muzokaralar olib bormoqda. Utd Report xabariga ko‘ra, Gimaraes kelayotgan yozda taxminan 80 million yevro evaziga sotilishi mumkin. Mankunianliklar uchun Madridning «Real» klubi tomonidan bo‘ladigan raqobat muammo tug‘dirishi mumkin. Madridliklar ham maydon markazini kuchaytirish variantlarini izlamoqda va katta ehtimol bilan braziliyalikni o‘z tomonlariga og‘dirib olishga harakat qilishadi.

Bruno Gimaraesning «Nyukasl» bilan amaldagi shartnomasi 2028 yilning o‘rtalariga qadar mo‘ljallangan. «Qarg‘alar» yulduzining transfer qiymati «Transfermarkt» portali tomonidan 75 million yevroga baholanmoqda.