«Ньюкасл» ярим ҳимоячиси Бруно Гимараэс ёзги трансфер ойнасида «Манчестер Юнайтед»га кўчиб ўтиши мумкин.

«Қизил иблислар» 28 ёшли футболчи бўйича музокаралар олиб бормоқда. Utd Report хабарига кўра, Гимараэс келаётган ёзда тахминан 80 миллион евро эвазига сотилиши мумкин. Манкунианликлар учун Мадриднинг «Реал» клуби томонидан бўладиган рақобат муаммо туғдириши мумкин. Мадридликлар ҳам майдон марказини кучайтириш вариантларини изламоқда ва катта эҳтимол билан бразилияликни ўз томонларига оғдириб олишга ҳаракат қилишади.

Бруно Гимараэснинг «Ньюкасл» билан амалдаги шартномаси 2028 йилнинг ўрталарига қадар мўлжалланган. «Қарғалар» юлдузининг трансфер қиймати «Transfermarkt» портали томонидан 75 миллион еврога баҳоланмоқда.