La Liga prezidenti Xavyer Tebas «Real» va «Barselona»ning moliyaviy holati haqida o‘z fikrlarini bildirib o‘tdi.

«Agar har ikki klub o‘z jamoalarini ta’minlash uchun qancha mablag‘ sarflayotganiga e’tibor qaratsangiz, ular Premyer-liga klublari darajasida ekanligini ko‘rasiz. Meni qoidalarga amal qilinmayotgani xavotirga soladi. Biz ularning barqarorligini ta’minlashimiz kerak.

Hisobotlarga ko‘ra, «Real» va «Barselona» doimo dunyoning eng kuchli uch klubi qatoriga kiradi. Agar «Real» prezidentining (Florentino Peresning) uch yil oldingi nolishlariga ishonsak, biz allaqachon «cho‘kib» ketgan bo‘lishimiz kerak edi, ammo ular hamon reyting cho‘qqisida turishibdi. Ular shikoyat qilishadi, lekin bu jiddiy emas. Endi esa ular Al-Xelayfi bilan do‘stlashib, quchoqlashib yurishibdi. Bugun ular raqobatbardosh va bundan keyin ham shunday bo‘lib qoladi», — dedi Tebas.