Ла Лига президенти Хавьер Тебас «Реал» ва «Барселона»нинг молиявий ҳолати ҳақида ўз фикрларини билдириб ўтди.

«Агар ҳар икки клуб ўз жамоаларини таъминлаш учун қанча маблағ сарфлаётганига эътибор қаратсангиз, улар Премьер-лига клублари даражасида эканлигини кўрасиз. Мени қоидаларга амал қилинмаётгани хавотирга солади. Биз уларнинг барқарорлигини таъминлашимиз керак.

Ҳисоботларга кўра, «Реал» ва «Барселона» доимо дунёнинг энг кучли уч клуби қаторига киради. Агар «Реал» президентининг (Флорентино Переснинг) уч йил олдинги нолишларига ишонсак, биз аллақачон «чўкиб» кетган бўлишимиз керак эди, аммо улар ҳамон рейтинг чўққисида туришибди. Улар шикоят қилишади, лекин бу жиддий эмас. Энди эса улар Ал-Хелайфи билан дўстлашиб, қучоқлашиб юришибди. Бугун улар рақобатбардош ва бундан кейин ҳам шундай бўлиб қолади», — деди Тебас.