«Liverpul» joriy mavsum yakunlanganidan keyin niderlandiyalik hujumchi Kodi Gakpo bilan xayrlashishi mumkin. Bu haqda Teamtalk portali jurnalistlari xabar bermoqda.
Manba bergan ma’lumotlarga ko‘ra, mersisaydliklar allaqachon jamoa tarkibida Gakponing o‘rnini egallashi mumkin bo‘lgan futbolchini tanlab bo‘lishgan. «Qizillar»ning tanlovi «Nyukasl» vingeri Entoni Gordonga tushgan.
Angliya Premyer-ligasining joriy mavsumida niderlandiyalik futbolchi 28 ta uchrashuvda maydonga tushdi. Kodi o‘z hisobiga oltita gol va uchta golli uzatmani yozdirib qo‘yishga muvaffaq bo‘ldi.
Gakpo 2023 yilning yanvaridan buyon mersisaydliklar sharafini himoya qilib kelmoqda. Tomonlar o‘rtasidagi amaldagi shartnoma muddati 2030 yilning iyun oyi oxirida yakuniga yetadi. Hujumchining bozor qiymati 65 million yevroga baholanmoqda.
