«Betis» klubi «Barselona»ning o‘ng qanot himoyachisi Xavi Espart xizmatlariga qiziqish bildirmoqda.

Kataloniya klubi futbolchining transferini ko‘rib chiqishga tayyor, biroq «ko‘k-anorranglilar» Espart ustidan barcha huquqlardan voz kechmoqchi emas. Hozirda oddiy ijara yoki keyingi sotuvdan ma’lum foizni saqlab qolgan holda to‘liq transfer qilish variantlari muhokama qilinmoqda. Futbolchining o‘zi «Betis»ga o‘tishga ijobiy munosabatda.

Xavi Espar — «Barselona» akademiyasi bitiruvchisi hisoblanadi. Himoyachi asosan «Barselona B» (yoshlar jamoasi) safida to‘p suradi, biroq yaqinda La Liga doirasida «Sevilya»ga qarshi o‘yinda (5:2) kataloniyaliklarning asosiy tarkibida debyut qilishga ulgurdi.