«Бетис» клуби «Барселона»нинг ўнг қанот ҳимоячиси Хави Эспарт хизматларига қизиқиш билдирмоқда.
Каталония клуби футболчининг трансферини кўриб чиқишга тайёр, бироқ «кўк-анорранглилар» Эспарт устидан барча ҳуқуқлардан воз кечмоқчи эмас. Ҳозирда оддий ижара ёки кейинги сотувдан маълум фоизни сақлаб қолган ҳолда тўлиқ трансфер қилиш вариантлари муҳокама қилинмоқда. Футболчининг ўзи «Бетис»га ўтишга ижобий муносабатда.
Хави Эспар — «Барселона» академияси битирувчиси ҳисобланади. Ҳимоячи асосан «Барселона Б» (ёшлар жамоаси) сафида тўп суради, бироқ яқинда Ла Лига доирасида «Севилья»га қарши ўйинда (5:2) каталонияликларнинг асосий таркибида дебют қилишга улгурди.
