Madridning «Real» klubi sobiq futbolchisi Guti «qaymoqranglilar» bosh murabbiyi lavozimida faoliyat yuritayotgan Alvaro Arbeloaning ishi borasida o‘z fikrlari bilan o‘rtoqlashdi.
Eslatib o‘tamiz, ispaniyalik mutaxassis joriy yilning yanvar oyida Xabi Alonsoning o‘rnini egallab, «qirollik klubi» boshqaruvini o‘z qo‘liga olgan edi.
«Real» murabbiyiga shunchaki menejer bo‘lishi kerak, deb uni past baholashadi, vaholanki g‘alabalar faqat jamoani boshqarish qobiliyatiga bog‘liq emas. Buning uchun yana hamma narsani to‘g‘ri bajarish lozim, xuddi u qilayotgandek», — deya ekspertning so‘zlarini keltirmoqda AS nashri.
La Liga turnir jadvalida «Real» ikkinchi o‘rinda bormoqda va peshqadam «Barselona»dan to‘rt ochkoga ortda qolmoqda. Chempionlar ligasida esa Arbeloa jamoasi «Manchester Siti»ni ikki bor mag‘lub etib, 1/4 finalga yo‘l olishga muvaffaq bo‘ldi.
