«Barselona» bosh murabbiyi Xans-Diter Flik matbuot anjumanida darvozabon Joan Garsiya va himoyachi Erik Garsiyaning holati borasidagi savollarga javob berdi. Eslatib o‘tamiz, ushbu futbolchilar Chempionlar ligasi doirasidagi «Nyukasl»ga qarshi bahsda almashtirilgan edi.
— Joan Garsiyaning Ispaniya terma jamoasiga chaqirilganini qanday baholaysiz? U ertaga dam olishi mumkinmi?
— Ertaga u o‘ynashi mumkin. Uning milliy terma jamoaga chaqirilganidan juda xursandman.
— Erik Garsiya o‘ynay oladimi?
— U zaxirada bo‘ladi, ko‘ramiz. Balki u maydonga tushmas, lekin uning qaydnomada ekanligining o‘zi — yaxshi yangilik.
Yakshanba kuni, 22 mart kuni «Barselona» Ispaniya chempionati doirasida «Rayo Valyekano»ni qabul qiladi.
