«Барселона» бош мураббийи Ханс-Дитер Флик матбуот анжуманида дарвозабон Жоан Гарсия ва ҳимоячи Эрик Гарсиянинг ҳолати борасидаги саволларга жавоб берди. Эслатиб ўтамиз, ушбу футболчилар Чемпионлар лигаси доирасидаги «Ньюкасл»га қарши баҳсда алмаштирилган эди.

— Жоан Гарсиянинг Испания терма жамоасига чақирилганини қандай баҳолайсиз? У эртага дам олиши мумкинми?

— Эртага у ўйнаши мумкин. Унинг миллий терма жамоага чақирилганидан жуда хурсандман.

— Эрик Гарсия ўйнай оладими?

— У захирада бўлади, кўрамиз. Балки у майдонга тушмас, лекин унинг қайдномада эканлигининг ўзи — яхши янгилик.

Якшанба куни, 22 март куни «Барселона» Испания чемпионати доирасида «Райо Вальекано»ни қабул қилади.