«Yuventus» bosh murabbiyi Luchano Spalletti A Seriyaning «Sassuolo»ga qarshi bahsidagi (1:1) golga aylanmagan penalti haqida to‘xtaldi. 11 metrlik nuqtadan Manuel Lokatelli adashdi.
«Lokatelli oldimga keldi va penalti tepishga tayyor ekanligini aytdi. O‘zini ko‘rsatishni istagan yana ikki yoki uch nafar futbolchi bor edi, biroq Lokatelli — bizning asosiy penaltichimiz. Buning qo‘rqinchli joyi yo‘q, har kim xato qilishi mumkin. Biz shunchaki g‘alaba qozona olmaganimizdan hafsalamiz pir bo‘ldi», — dedi Spalletti DAZN Italia nashriga bergan intervyusida.
Shu tariqa, «Yuventus» A Seriya doirasida ketma-ket uchta penaltini golga aylantira olmayapti.













