Italiyaning «Roma» klubi o‘ng qanot himoyachisi Uesli Yevropadagi debyut mavsumini hayratlanarli tarzda o‘tkazmoqda. Braziliyalik futbolchi rimliklarning muhim o‘yinchisiga aylanib ulgurdi va allaqachon boshqa klublarning e’tiborini tortdi. TEAMtalk nashri xabariga ko‘ra, himoyaning o‘ng qanotini kuchaytirish yo‘llarini izlayotgan Londonning «Arsenal» klubi 22 yoshli futbolchini o‘z nishoniga olgan. Muzokaralar mavsum yakunlanganidan keyin bo‘lib o‘tishi mumkin.

Uesli joriy mavsumda «Roma» tarkibida 35 ta uchrashuvda maydonga tushib, 4 ta gol urdi va 2 ta golli uzatmani amalga oshirdi. Transfermarkt portali tomonidan 35 million yevroga baholangan lateral Braziliya terma jamoasi safida ham 5 ta o‘yinda ishtirok etgan.