Италиянинг «Рома» клуби ўнг қанот ҳимоячиси Уэсли Европадаги дебют мавсумини ҳайратланарли тарзда ўтказмоқда. Бразилиялик футболчи римликларнинг муҳим ўйинчисига айланиб улгурди ва аллақачон бошқа клубларнинг эътиборини тортди. TEAMtalk нашри хабарига кўра, ҳимоянинг ўнг қанотини кучайтириш йўлларини излаётган Лондоннинг «Арсенал» клуби 22 ёшли футболчини ўз нишонига олган. Музокаралар мавсум якунланганидан кейин бўлиб ўтиши мумкин.
Уэсли жорий мавсумда «Рома» таркибида 35 та учрашувда майдонга тушиб, 4 та гол урди ва 2 та голли узатмани амалга оширди. Transfermarkt портали томонидан 35 миллион еврога баҳоланган латераль Бразилия терма жамоаси сафида ҳам 5 та ўйинда иштирок этган.
