«Milan» bosh murabbiyi lavozimini egallab turgan Massimiliano Allegri markaziy hujumchi Niklas Fyullkrugning hozirgi sport formasi borasida o‘z fikrlarini bildirdi.
«Doimiy o‘yin amaliyoti bo‘lmaganda, jismoniy holat pand beradi. U uchun birinchi bo‘lim qiyin kechdi, ammo tanaffusdan keyin u ancha yaxshi ko‘rindi. Unga barqarorlik kerak», — dedi Allegri «Torino» bilan o‘yindan so‘ng.
Avvalroq, germaniyalik forvard yozda «Milan»ni tark etishi haqida xabar berilgan edi — klub rahbariyati «Vest Xem»dan ijaraga olingan Fyullkrugning transfer huquqini sotib olishni rejalashtirmayapti.
Joriy mavsumda 33 yoshli hujumchi «rossonerilar» libosida 14 ta o‘yinda ishtirok etib, o‘z hisobiga bitta gol yozdirib qo‘ydi.
