«Barselona» yakshanba kuni o‘z maydonida chempionat doirasida «Rayo Valyekano»ga qarshi o‘yin o‘tkazadi. Bahs Toshkent vaqti bilan soat 18:00 da boshlanadi. Shu kuni kech oqshomda «Real» va «Atletiko» o‘rtasida Madrid derbisi bo‘lib o‘tadi. «Ko‘k-anorranglilar» ustozi Xans-Diter Flikdan derbini tomosha qilish-qilmasligi haqida so‘rashdi.
«Madrid derbisini ko‘rishimga ishonchim komil emas. Biz uchun asosiysi — «Rayo Valyekano»ni mag‘lub etish. Bu oson o‘yin bo‘lmaydi. O‘z muxlislarimiz qarshisida g‘alaba qozonish muhim. Derbi bizga bog‘liq emas — u yerda nima bo‘lishini keyin ko‘rib olamiz», — dedi Flik jurnalistlarga.
«Barselona» La Ligada «Real»dan to‘rt ochko oldinda borgan holda peshqadamlik qilmoqda.
