«Барселона» якшанба куни ўз майдонида чемпионат доирасида «Райо Вальекано»га қарши ўйин ўтказади. Баҳс Тошкент вақти билан соат 18:00 да бошланади. Шу куни кеч оқшомда «Реал» ва «Атлетико» ўртасида Мадрид дербиси бўлиб ўтади. «Кўк-анорранглилар» устози Ханс-Дитер Фликдан дербини томоша қилиш-қилмаслиги ҳақида сўрашди.
«Мадрид дербисини кўришимга ишончим комил эмас. Биз учун асосийси — «Райо Вальекано»ни мағлуб этиш. Бу осон ўйин бўлмайди. Ўз мухлисларимиз қаршисида ғалаба қозониш муҳим. Дерби бизга боғлиқ эмас — у ерда нима бўлишини кейин кўриб оламиз», — деди Флик журналистларга.
«Барселона» Ла Лигада «Реал»дан тўрт очко олдинда борган ҳолда пешқадамлик қилмоқда.
