Londonning «Chelsi» klubi Todd Bouli kelganidan beri o‘tgan to‘rt mavsum davomida APLda hali biror marta 70 ochkolik dovondan o‘ta olmadi. Joriy mavsumda ham London jamoasi ushbu ko‘rsatkichga erisha olmaydi.

Klubning avvalgi xo‘jayini Roman Abramovich davrida bunday uzoq davom etgan seriyalar kuzatilmagan edi. Ketma-ket ikki mavsum davomida 70 ochkodan kam jamg‘arilgan holat faqat bir marta — 2019/20 va 2020/21 yilgi mavsumlarda qayd etilgan.

Abramovichning «Chelsi»dagi 19 yillik faoliyati davomida klub faqat to‘rt marta mavsumni 70 ochkodan kam jamg‘argan holda yakunlagan.

«Chelsi»da oxirgi marta ketma-ket to‘rt mavsum davomida 70 ochkodan past ko‘rsatkich qayd etilishi Abramovich kelishidan oldin — 1999–2003 yillarda kuzatilgan edi.