«Benfika» Portugaliya chempionatida hamon mag‘lubiyatsiz odimlamoqda.
27-turda Joze Mourinyo shogirdlari «Vitoriya Gimaraesh» jamoasini 3:0 hisobida mag‘lub etdi. Portugaliyalik mutaxassis 4-turdan so‘ng «burgutlar» boshqaruvini qo‘lga olgan edi. Uning qo‘l ostida jamoa ligada 16 ta g‘alaba va 7 ta durang qayd etdi.
«Benfika» 65 ochko bilan ikkinchi o‘rinda bormoqda va bitta zaxira o‘yiniga ega «Portu»dan 4 ochkoga ortda qolmoqda. «Benfika»dan ikkita kam o‘yin o‘tkazgan «Sporting» esa 3 ochkolik farq bilan uchinchi o‘rinni egallab turibdi.
