«Бенфика» Португалия чемпионатида ҳамон мағлубиятсиз одимламоқда.
27-турда Жозе Моуриньо шогирдлари «Витория Гимараэш» жамоасини 3:0 ҳисобида мағлуб этди. Португалиялик мутахассис 4-турдан сўнг «бургутлар» бошқарувини қўлга олган эди. Унинг қўл остида жамоа лигада 16 та ғалаба ва 7 та дуранг қайд этди.
«Бенфика» 65 очко билан иккинчи ўринда бормоқда ва битта захира ўйинига эга «Порту»дан 4 очкога ортда қолмоқда. «Бенфика»дан иккита кам ўйин ўтказган «Спортинг» эса 3 очколик фарқ билан учинчи ўринни эгаллаб турибди.
