Madridning «Real» klubi sobiq futbolchisi Guti «qirollik klubi»ning Alvaro Arbeloa qo‘l ostidagi o‘sishini yuqori baholadi.
Ekspertning fikricha, yanvar oyida «qaymoqranglilar» boshqaruvini qo‘lga olgan ispaniyalik mutaxassis futbolchilarni natija uchun kurashadigan yagona jamoaga birlashtira oldi.
«Muvaffaqiyat kaliti — bu jamoa. U erishgan asosiy narsa ham shu: ahil jamoa tuza oldi. Oxir-oqibat, iste’dod o‘z-o‘zidan ma’lum; «Real» futbolchilarida u yetarlicha topiladi. Ilgari esa birdamlik yetishmas edi. Titullarni qo‘lga kiritish uchun aynan mana shu jihat zarur», — deya Gutining so‘zlaridan iqtibos keltirmoqda Mundo Deportivo.
