Мадриднинг «Реал» клуби собиқ футболчиси Гути «қироллик клуби»нинг Альваро Арбелоа қўл остидаги ўсишини юқори баҳолади.
Экспертнинг фикрича, январь ойида «қаймоқранглилар» бошқарувини қўлга олган испаниялик мутахассис футболчиларни натижа учун курашадиган ягона жамоага бирлаштира олди.
«Муваффақият калити — бу жамоа. У эришган асосий нарса ҳам шу: аҳил жамоа туза олди. Охир-оқибат, истеъдод ўз-ўзидан маълум; «Реал» футболчиларида у етарлича топилади. Илгари эса бирдамлик етишмас эди. Титулларни қўлга киритиш учун айнан мана шу жиҳат зарур», — дея Гутининг сўзларидан иқтибос келтирмоқда Mundo Deportivo.
