«Barselona» bosh murabbiyi Xans-Diter Flik La Liganing 29-turida «Rayo Valyekano» ustidan qozonilgan g‘alaba (1:0) haqida o‘z fikrlarini bildirdi.
«Men baxtliman. Bu qiyin o‘yin bo‘ldi. Eng muhimi — biz uch ochkoni qo‘lga kiritdik. Joan Garsiyaning o‘yinidan juda mamnunman. U biz uchun juda muhim figura va bugun o‘zining bor mahoratini namoyish etdi. Yana bir bor ajoyib seyvlarni amalga oshirdi. Uning ishi juda yuqori darajada.
Dani Olmo bizga to‘p nazoratini taqdim etadi. Uning mahorati, jarima maydonchasi atrofidagi o‘yini... Fermin esa ko‘proq dinamikaga ega. Bu ikki xil profildagi futbolchilar, lekin ikkalasi ham jamoamiz uchun juda qadrli.
Arauxoning goli barcha uchun muhim edi. U bugun bizga uch ochko keltirdi va bu butun jamoa uchun ijobiy holat», — dedi Flik.
