«Manchester Yunayted» jamoasi Andre Onananing kelajagi bo‘yicha yakuniy qaror qabul qildi, deb xabar bermoqda jurnalist Fabrisio Romano.
Avvalroq Onana Angliyaga qaytib, yana asosiy darvozabonga aylanish niyatida ekanini bildirgani haqida xabarlar tarqalgan edi.
Biroq klub rahbariyati hozirda «Trabzonspor» safida o‘ynayotgan kamerunlik posbonning bu istagini qo‘llab-quvvatlash niyatida emas.
Ma’lum qilinishicha, Onana yozda Manchesterga qaytganidan so‘ng, klub unga xaridor qidiradi. Darvozabonning «qizil iblislar» tarkibida kelajagi yo‘q.
Avvalroq, shuningdek, «Real» o‘z tajribali futbolchisiga o‘rinbosar topgani haqida ham xabarlar berilgan edi.













