«Manchester Siti» darvozaboni Jeyms Trafford Angliya liga kubogi finalida «Arsenal» ustidan qozonilgan g‘alabadan so‘ng o‘z fikrlari bilan o‘rtoqlashdi. Uchrashuv 2:0 hisobida «shaharliklar» foydasiga hal bo‘ldi.

«Pep Gvardiolaning ishonchi men uchun juda katta ahamiyatga ega. Menimcha, bu mening mashg‘ulotlardagi mehnatim va kubok o‘yinlaridagi chiqishlarim natijasidir. Har safar maydonga tushganimda bor kuchimni beraman va g‘alaba qozonishga harakat qilaman», — deya Traffordning so‘zlaridan iqtibos keltiradi Sky Sports.

Joriy mavsumda 23 yoshli darvozabon barcha turnirlarda 13 ta o‘yin o‘tkazib, o‘z darvozasidan 10 ta to‘p olib chiqdi va 6 ta uchrashuvda darvozasi daxlsizligini saqlab qoldi.