«Манчестер Сити» дарвозабони Жеймс Траффорд Англия лига кубоги финалида «Арсенал» устидан қозонилган ғалабадан сўнг ўз фикрлари билан ўртоқлашди. Учрашув 2:0 ҳисобида «шаҳарликлар» фойдасига ҳал бўлди.
«Пеп Гвардиоланинг ишончи мен учун жуда катта аҳамиятга эга. Менимча, бу менинг машғулотлардаги меҳнатим ва кубок ўйинларидаги чиқишларим натижасидир. Ҳар сафар майдонга тушганимда бор кучимни бераман ва ғалаба қозонишга ҳаракат қиламан», — дея Траффорднинг сўзларидан иқтибос келтиради Sky Sports.
Жорий мавсумда 23 ёшли дарвозабон барча турнирларда 13 та ўйин ўтказиб, ўз дарвозасидан 10 та тўп олиб чиқди ва 6 та учрашувда дарвозаси дахлсизлигини сақлаб қолди.
