Yarim himoyachi Kazemiro «Manchester Yunayted»da kutilganidan uzoqroq qolishi mumkin. Yanvar oyida braziliyalik futbolchi mavsum yakunida klubni tark etishi e’lon qilingan edi. Biroq RTI Esporte nashrining xabar berishicha, «qizil iblislar» qarorgohida Kazemironi yana bir necha mavsum olib qolish imkoniyatlari muhokama qilina boshlandi.
34 yoshli Kazemiro «Manchester Yunayted»ning asosiy tarkibdagi muqim o‘yinchisi hisoblanadi. Joriy mavsumda braziliyalik futbolchi 30 ta o‘yinda maydonga tushib, o‘z hisobiga 7 ta gol va 2 ta golli uzatmani yozdirib qo‘ydi.
Hozirda «Manchester Yunayted» Premyer-liga turnir jadvalida uchinchi pog‘onani egallab turibdi.
