Ярим ҳимоячи Каземиро «Манчестер Юнайтед»да кутилганидан узоқроқ қолиши мумкин. Январь ойида бразилиялик футболчи мавсум якунида клубни тарк этиши эълон қилинган эди. Бироқ RTI Esporte нашрининг хабар беришича, «қизил иблислар» қароргоҳида Каземирони яна бир неча мавсум олиб қолиш имкониятлари муҳокама қилина бошланди.
34 ёшли Каземиро «Манчестер Юнайтед»нинг асосий таркибдаги муқим ўйинчиси ҳисобланади. Жорий мавсумда бразилиялик футболчи 30 та ўйинда майдонга тушиб, ўз ҳисобига 7 та гол ва 2 та голли узатмани ёздириб қўйди.
Ҳозирда «Манчестер Юнайтед» Премьер-лига турнир жадвалида учинчи поғонани эгаллаб турибди.
