«Barselona» futbolchisiga Saudiya Arabistonidan qiziqish bildirilmoqda. Gap o‘zi xohlaganidan kamroq o‘yin amaliyotiga ega bo‘layotgan yarim himoyachi Mark Kasado haqida ketmoqda.
Shu bilan birga, Kasado hozirda yozgi transfer oynasi uchun hech qanday taklifni ko‘rib chiqmoqchi emas. Ayni damda 22 yoshli futbolchi bor e’tiborini «Barselona»dagi ishtirokiga qaratgan.
2025/2026 yilgi mavsumda Mark Kasado Ispaniya chempionati va Chempionlar ligasi doirasidagi 25 ta o‘yinda qatnashdi. Shu bilan birga, yarim himoyachi faqat 11 marta asosiy tarkibdan joy oldi. La Liga va YECHLning 14 ta o‘yinida esa Kasado barcha 90 daqiqani zaxira o‘rindig‘ida o‘tkazdi.
Nufuzli Transfermarkt portali Mark Kasadoni 20 million yevroga baholamoqda.
